Plantun de Prouvènço

Pèr coumpara dos planto d'encò nostre

Hyoseris scabra & Hydrocotyle vulgaris

Hyoseris scabra

Asteraceae Compositae

Noms en français : Hyoséride scabre, Chicorée scabre.

Descripcioun :
Lou cicòri-escabrous es uno planto raro que trachis pas trop liuen de la mar dins li tepiero argielouso bagnado l'ivèr. Fai uno rouseto sènso tijo d'ounte parton de pecou de flour coupausado courtet. Li fueio soun descoupado d'un biais proun regulié ço qu'ajudo à recounèisse la planto. Aquelo èi marcado sus la listo roujo, categourìo VU (vulnerablo). Coumpara emé lou cicòri-radiant que ié sèmblo mai qu'es uno planto renadivo.

Usanço :
Aquéu cicòri dèu èstre manjadis pamens coume es uno planto raro, lou fau pas culi.

Port : Erbo
Taio : 1 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Hyoseris
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 7 à 12 mm
Flourido : Printèms Ivèr

Sòu : Ca
Autour basso e auto : 0 à 10 m
Aparado : Noun
Febrié à Abriéu

Liò : Tepiero bagnado l'ivèr - Argielo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Hyoseris scabra L., 1753

Erbo-di-granouio

Hydrocotyle vulgaris

Araliaceae

Noms en français : Écuelle-d'eau, Hydrocotyle commun.

Descripcioun :
L'erbo-di-granouio es uno planto di proun raro en Prouvènço. S'atrobo pamens encaro en Camargo. Es uno planto que rebalo au sòu e que fai de fuieo que douno d'èr à-n-aquéli de l'escudeleto, Umbilicus rupestris. Li flour, sènso petalo soun pichouneto (1,5 à 2 mm), groupado en enflourejado de 3 à 5 cm.

Usanço :
Li fueio soun manjadisso, mai n'en sabèn pas mai.